Føroyingauppgerð var í triðbestu donsku fótbóltsdeildini í dag.
Liðið hjá Heina Fossdalsá Sørensen, Thisted tók á heimavølli móti liðnum hjá Martini Agnarssyni, Aarhus Fremad.
Aarhus Fremad vann dystin 2-0.
Martin fekk sína debut fyri Aarhus Fremad í 70. minutti. Hann hevði bert verið á vøllinum í seks minuttir, so hevði hann skotið fyrsta málið fyri Aarhus Fremad.
Martin økti til 2-0. 16 minuttir frammanundan hevði Anders Holvad lagt Aarhus Fremad á odda 1-0.
Heini var á vøllinum í 84 minuttir áðrenn hann var skiftur út.
Aarhus Fremad er næstfremst í deildini við 13 stigum fyri sjey dystir. Thisted er nummar 10 í deildini við átta stigum.
Komandi leygardag klokkan 13 tekur Aarhus Fremad móti Frem á heimavølli. Dagin eftir klokkan 13 hevur Thisted heimadyst móti Fremad Amager.