Í morgin vera U20-landsliðshetjurnar, ið hava gjørt Føroyum stóra æru við fýra sigrum, tveimum teprum tapum og bert einum stórtapi við EM-endaspælið í Portugal alment fagnaðir.
Tað er Tórshavnar kommuna, ið skipar fyri móttøku uttanfyri ráðhúsið á Vaglinum.
Á skránni verður tónleikur og heiðursrøður fyri U20-landsliðnum í manshondbólti.
Tórshavnar kommuna vónar at síggja nógv fólk koma oman at heiðra liðnum, ið gjørdi tað so framúr væl við at vinna seg millum 10 tey fremstu liðini í Evropa, og harvið vinna seg til HM-endaspælið fyri U21-landslið komandi summar.