Sirið Stenberg, forkvinna í Landsstýrismálanevndini ásannar, at tey mugu nok bara góðtaka, at Annfinn V. Hansen verður kanningarstjórin, sum skal kanna leiklutin hjá løgmanni og fyrrverandi landsstýrismanninum í innlendismálum, Kára P. Højgard í sambandi við Eysturoyartunnilin.
Tá ið kanningarstjórin varð settur, var ivi sáddur um gegnið, tí hann hevur einaferð sitið á Løgtingi fyri Fólkaflokkin eitt stutt skifti sum varamaður.
Kanningarstjórin skal heldur ikki vera partur í fyrisitingini, men Sirið Stenberg hevur víst á, at hann er formaður í Gjaldsstovuráðnum
Hon heldur, at tað er ómetaliga óheppið, at trúvirðið verður sett við kanningarstjóran, longu áðrenn kanningin er byrjað, tí tað kann máa álitið undan úrslitinum, sama, hvat tað verður.
Sirið Stenberg sigur í morgun, at hon hevur spurt seg fyri í fyrisitingini hjá Løgtinginum og har hevur hon fingið at vita, at kanningarstjórin kann ikki sigast at vera partur av fyrisitingini fyri tað um hann situr í Gjaldsstovuráðnum.
Hon vísir eisini á, at Løgtingsformaðurin hevur heimild at seta kanningarstjóran einsamallur, so har her nokk einki at gera.
Hon sigur, at tá ið tingmanninini hjá Tjóðveldi hittist aftur, fara tey at umrøða málið, men sjálv hevur hon ongar vónir um, at tað nú vndst aftur.
