» - Eik Bank Danmark er en lækkerbisken«. Tað sigur John Norden í MyBanker við danska blaðið Børsen.
Hann sigur, at tað er ein góð forrætning hjá tí, sum fer at keypa danska partin av Eik.
- Eg haldi, at vit kunnu rokna við stórum áhuga fyri at taka yvir kundarnar hjá Eik Bank Danmark, tí teir eru sera áhugaverdir, sigur hann við borsen.dk
- Keypið er eitt super springbretti til at koma inn á ein sera áhugaverdan kundabólk, og eg haldi, at øll kunnu vera áhugað í keypinum, sigur hann.
Og hann heldur fram, at porteføljan hjá Eik Bank Danmark kann býtast upp í tvey. Annar bólkurin er fastognarparturin, sum bankin byrjaði við í Danmark í 2004. Í sambandi við, at bankin fór á børsin keyptu tey teir 100.000 privatkundarnar hjá Skandia Bank.
- Eftir mínum tykki er hetta ein sera áhugaverdur kundabólkur, har teir flestur eru grundaðir við panti í fastari ogn og eru prístilvitaðir kundar. Teir aller flestur av hesum eru góðir og tryggir kundar, sigur John Norden við borsen.dk
Hann leggur dent á, at tað verður ein samráðingarspurningur í mun til, um tað eydnast einum keypara bert at keypa ein part av porteføljene, sum er privatkundarnar.
Um tað verður Finsiel Stabilitet ella Eik Bank, sum kann enda sum seljari heldur hann, at tíðin má vísa. Tað er treytað av, um tað eydnast bankanum at útvega neyðuga kapitalin.
