Tað er nú greitt hvørji tey fýra liðini eru, sum skulu spæla í hálvfinalunum í Coca Cola Cup steypakappingini hjá kvinnum. Umframt VB og Kyndil, so vunnu Neistin og Stjørnan sínar fjórðingsfinalur í kvøld.
Besta liðið hjá Neistanum hevði í kvøld vitjan av StÍF í høllini á Hálsi. Dysturin var leingi javnur, men seinasta korterið fór Neistin framum og vann. Tá Neistin fyrst kom á odda við nøkrum málum, so var ongantíð nakar ivi. Úrslitið var 30-21.
Í Klaksvík vann Stjørnan greiðan á næst besta liðnum hjá Neistanum. Endaliga úrslitið gjørdist 35-23 til heimaliðið.
Sostatt er greitt, at tey fýra liðini, sum eru í pottinum til hálvfinalu lutakastið eru Neistin, VB, Kyndil og Stjørnan.
Coca Cola Cup Steypakapping kvinnur fjórðingsfinalur
VÍF/Tjaldur-VB 22-25
Kyndil 1 Kyndil 18-44
Neistin-StÍF, 30-21
Stjørnan-Neistin 1 35-23
