Fyri fyrstu ferð í 25 ár eru útreiðslurnar hjá norska statinum størri enn inntøkurnar.
Tað skriva norskir miðlar í dag.
Samlaða undirskotið seinasta ársfjórðing var á 5 milliardir norskar krónur.
Samlaðu inntøkurnar annað ársfjórðing í ár eru minkaðar við 2.3% í mun til í fjør. Inntøkurnar í ár eru 328 milliardir krónur í mun til 336 milliardir krónur í fjør.
Tað er fyrst og fremst inntøkurnar av oljuni, ið nú svíkja. Inntøkurnar frá oljuni annan ársfjórðing í ár eru helvtin av tí, ið tað var í fjør.
Samstundis sum inntøkurnar eru fallandi, eru útreiðslurnar vaksandi. Útreiðslurnar vuksu við 8% og eru nú komnar uppá 333 milliardir krónur.
