Fríggjadagin skifti íløgufelagið hjá Eik Banka, Notio, eigarar. Familjan hjá Eiler Jacobsen, sála, eigur nú Notio, og tey manna bæði nevnd og leiðslu.
Fríggjadagin kom fram, at Jacobsen familjan gjøgnum P/F Krúnborg hevði keypt P/F Mest, sum fyrr æt Tórshavnar Skipasmiðja, frá Eik Banka. Eik Banki átti Mest gjøgnum íløgufelagið Notio. Men sambært Skráseting Føroya er tað nú eitt felag, ið kallast 26.07.2014 Sp/f, sum eigur Notio. Eigari av 26.07.2014 Sp/f er P/F Krúnborg.
Sambært roknskapinum er Mest samtakið einasta aktiv av týdningi, sum eftir er í íløgufelagnum Notio.
Árslitið hjá Notio fyri síðsta ár var slakar 23 milliónir krónur, sum er munandi meira enn árið fyri, tá felagið hevði hall upp á góðar 8 milliónir krónur.
Partapeningurin í Notio er 55,7 milliónir krónur. Eginognin er góðar 124 milliónir.
Í sambandi við eigaraskiftið er broyting eisini farin fram í nevndini. Úr nevndini eru farnir Olav Skaalum Guttesen og Súni Schwartz Jacobsen
Í nevndini í Notio eru nú:
Eiler Jacobsen (yngri)
Petur Háberg Jacobsen
Ole Johan Guldborg Nielsen
Farin frá sum stjóri er Evy Jacobina Jacobsen. Innkomin sum nýggjur stjóri er Beinta Háberg Jacobsen.
Roknskapurin hjá P/F Notio kann lesast VIÐ AT TRÝSTA HER
