- Loksins er ferð komin á at byggja nýggja barnagarðin á Sandi - ein verkætlan, sum er hart tiltrongd.
Soleiðis verður sagt á Facebook-vanganum hjá Sands kommunu.
Her verður lagt aftrat, at verandi barnagarður á Teigunum er bæði ótíðarhóskandi og ov lítil.
- Starvsfólk, børn og avvarðandi hava nakað at síggja fram til.
Í Sands kommunu siga tey, at tað var eitt samt bygdarráð sum samtykti nýggja barnagarðin.
Vit kunnu leggja aftrat, at tað er byggifyritøkan Bulur á Signabø, sum byggir nýggja barnagarðin.
Barnagarðurin verður bygdur í elementum á Signabø og verður settur upp beint við nýggjastu útstykkingina á Sandi.
