Tíðindaskriv:
Bókin tekur støði í einum trupulleika, sum fleiri leiðarar helst kenna aftur úr arbeiðslívinum: at ov nógv hugsan ofta ger tað truplari at taka greiðar avgerðir.
- Nógvir leiðarar royna at hugsa seg fram til rætta svarið, men í veruleikanum førir tað ofta til ógreiða leiðslu, sigur Kristian Eli Andersen.
Í eini tíð, har broytingar henda skjótt, og krøvini til leiðarar eru stór, er avbjóðingin at taka avgerðir og seta kósina - eisini tá alt ikki er greitt frammanundan.
Tilgongdin tekur støði metakognitivari terapi, kognitivari atferðarterapi og tí motiverandi samrøðuni – og verður gjørd heilt ítøkilig í mun til leiðslu.
Bókin leggur fram einfaldar og praktiskar leistir, sum kunnu nýtast í gerandisdegnum.
- Tú kanst ikki stýra úrslitinum av tínari leiðslu. Men tú kanst stýra, hvussu tú útinnir hana, sigur høvundurin.
Við dømum úr gerandisdegnum vísir bókin, hvussu smáar broytingar í atburði og hugsanarhátti kunnu gera stóran mun - bæði fyri leiðaran sjálvan og fyri felagsskapin. Samstundis vísir hon, hvussu leiðarin kann brúka ta motiverandi samrøðuna til at skapa góðar samrøður, handfara mótstøðu og styrkja motivatión hjá starvsfólkum.
“Når ledere tænker for meget” vendir sær til leiðarar, starvsfólk og øll, sum arbeiða við avgerðum og ábyrgd.
Bókin kemur út 23. apríl 2026 á Gads Forlag. Móttøka verður í tí sambandi 23. apríl kl 19.00 á Rødder og Vin í Keypmannahavn og 28. apríl kl 19.00 á Paname í Havn.
