Nýggja urgan í Hoyvík er av sonnum við at taka skap. Tær síðstu røddirnar verða gjørdar klárar, og nú er fasadan eisini sett upp.
Rimaverkið uttan á pípunum er eitt vakurt samspæl við fasaduna á altarinum frammi í kóri.
Urgan ljóðar eisini sera væl og hevur heitan ljóm, frættist úr Hoyvík.
Tað verður heimskendur urguleikari, ið leikar á urguna á fyrstu konsertini.
Nú verður sæð fram til vígsluna 1. mai og konsertina 4. mai við Olivier Latry, dómorganisti í Notre Dame.
