Andrias Edmundsson hevur fingið A-landsliðsboð á fyrsta sinni. Tað tekur plássið hjá Jákupi B. Andreasen, sum hevur givið avboð til venjingarlandsdystirnar móti Kekkia og Kosovo seinni í hesum mánaðinum.
Håkan Ericson, landsliðsvenjari, úttók í gjár hópin. Her vóru seks nýggj nøvn, umframt tey trý nýggju nøvnini frá seinastu landsliðsúttøku. Bárður á Reynatrøð, Hanus Sørensen, Martin Agnarsson, Samuel Chukwudi Johansen, Jann Julin Benjaminsen, og Stefan Radosavljevic eru nýggir á landsliðnum. Hartil eru Noah Mneney, Andrass Johansen og Pætur Petersen við aftur, eftir at teir fingu landsliðsboð á fyrsta sinni til seinastu landsliðsúttøkuna og hava ikki verið á vøllinum..
Í dag hevur liðskiparin hjá KÍ givið avboð. Jákup B. Andreasen hevur nógv at gera í samband við útbúgving og tá hevur Håkan Ericson altíð sagt, at hann virðir at føroysku spælararnir ikki eru fulltíðarspælarar. Jákup B. Andreasen lærir til maskinmeistara.
Í hansara stað er komin Andrias Edmundsson. Stóri miðverjin spælir í spanska Águilas FC. Hann hevur verið gjøgnum ein drúgvan skaða, men er nú tøkur til landsliðið.
Hópurin:
Gunnar Nielsen, FH Hafnarfjørður (Ísland)
Mattias Heðinsson Lamhauge, B36 Tórshavn
Bárður á Reynatrøð, Víkingur
Gilli Rólantsson Sørensen, Odds Ballklubb (Noreg)
Hanus Sørensen, HB Tórshavn
Viljormur Davidsen, Helsingborgs IF (Svøríki)
Martin Agnarsson, Viborg FF (Danmark)
Sonni Ragnar Nattestad, B36 Tórshavn
Heðin Hansen, HB Tórshavn
Gunnar Vatnhamar, Víkingur
Samuel Johansen Chukwudi, Union St. Gilloise (Belgia)
Andrias Edmundsson, Águilas FC (Spania)
Jóannes Bjartalíð, KÍ Klaksvík
Jann Julin Benjaminsen, IL Hødd (Noreg)
Meinhard Egilsson Olsen, Mjøndalen IF (Noreg)
Mads Boe Mikkelsen, KÍ Klaksvík
Noah Hans Mneney, Víkingur
Sølvi Vatnhamar, Víkingur
Andrass Johansen, B36 Tórshavn
Rene Shaki Joensen, KÍ Klaksvík
Stefan Radosavljevic, HB Tórshavn
Klæmint Andrasson Olsen, NSÍ Runavík
Patrik Johannesen, Keflavík (Ísland)
Pætur Petersen, HB Tórshavn
