Landsstýrismaðurin í heilsumálum, Karsten Hansen, hevur gjørt av at seta Trónd Leivsson í starv sum nýggjan stjóra á Búnaðarstovuni.
Tróndur Leivsson er 57 ára gamal og útbúgvin landbúnaðarfrøðikandidatur frá 1985. Tróndur hevur drúgvar arbeiðsroyndir innan m.a. landbúnað, skógarrøkt og umhvørvið, og hevur harumframt drúgvar og viðkomandi leiðslu- og fyrisitingarligar royndir frá almenna geiranum, har hann síðani 1987 hevur verið stovnsleiðari og seinni deildarleiðari á Skógrøkt Landsins.
Tróndur Leivsson byrjar í starvinum tann 1. juni 2015, boðar Heilsumálaráðið frá.
