Skiftandi veður hevur skapt ótrúligan hitamun í Kina seinastu vikuna.
Í størsta landsluti í Kina, sum kallast Xinjiang, vórðu máld heili 45,4 kuldastig fríggjamorgunin, og hetta er nýtt kuldamet í økinum.
Men, samstundis sum hesin parturin av landinum setir kuldamet, eru fleiri enn 30 hitastig í Sanya har suðuri í Kina.
Tað merkir, at út við 80 stig eru á muni - í sama landi - frá kaldasta staðnum til heitasta staðið í landinum.
Xinjiang liggur í útnyrðingspartinum av Kina, men tað er enn kaldari í býnum, Wuma, sum liggur í landnyrðingspartnum av Kina.
Her vóru nevniliga máld 46,6 kuldastig í gjár.
Kuldametið í Kina er annars 52,3 stig, sum varð mált hin 31. januar 1969 í Mohe, sum liggur einar 300 kilometrar norðanfyri Wuma.
