Ólavur Christiansen, lektari í búskaparfrøði á Fróðskaparsetur Føroya, hevur skrivað tvær greinar í nýggjari bók um samfelagsvísindalig háttaløg.
Talan er um bókina Choosing Classic Grounded Theory – A Grounded Theory Reader of Expert Advice, ið Barney Glaser hevur ritstjórnað. Á heimasíðuni hjá Fróðskaparsetrinum verður Barney Glaser nevndur sum ein viðurkendur, og ein hin mest siteraði, granskarin innan samfelagsvísindaliga økið.
Ólavur Christiansen hevur skrivað kapittul trý, Simpler Understanding of Classic GT: How it is a fundamentally different methodology, og kapittul seks, The Rationale for the Use of Classic GT.
