Fimta føroyska gullheiðursmerkið í badminton var staðfest undan finaluni í blandaðum tvímansleiki.
Í reinu føroysku finaluni vunnu Miriam í Grótinum og Rúni Øster 2-0 á Sannu Thorkildshøj og Magnusi Dal-Christiansen. Sanna og Magnus bitu betri frá sær í fyrra settinum, men í seinna settinum var greiður munur.
Settmunurin var 21-17 og 21-11.
Sostatt er talan um hattrick hjá Miriam og Rúna, ið hava vunnið gull í einmansleiki, tvímansleiki og blandaðum tvímansleiki. Harumframt kemur eitt silvurheiðursmerkið í liðkappingini.
