Enn ein føroyingauppgerð er leikt í næstbestu donsku hondbóltsdeildini hjá monnum.
Landsliðsmálverjin, Pauli Jacobsen og liðfelagarnir í HØJ móti Boga Hansen, Leivi Mortensen, Janusi og Jónasi Djurhuus og liðfeløgunum í FIF.
HØJ vann ein greiðan 31-24 sigur á FIF. Í steðginum var HØJ á odda 13-8.
Leivur skoraði trý mál, og Bogi og Jónas skoraðu hvør sítt mál fyri FIF.
HØJ er einsamalt oddalið í deildini við fullum stigtali, átta stigum fyri fýra dystir. FIF er næstaftast í deildini við tveimum stigum.
Í morgin klokkan 16 taka Teis Horn Rasmussen, Peter Krogh og liðfelagarnir í HC Aarhus móti Odense á heimavølli.
