1 Kjell Inge Røkke varð føddur í Molde í 1958, og mánadagin kann hann halda sín 51 ára føðingardag
2 Hann telist millum ríkastu menn í Noregi, men verður ikki longur roknaður sum tann ríkasti. Ognin hjá Røkke er júst gjørd upp til 8,2 milliardir krónur, og í fjør skuldi hann av við góðar 65 milliónir í skatti.
3 Røkke hevur verið nógv blandaður upp í fótbólt, og mett verður, at hann hevur brúkt einar 400 milliónir norskar krónur til felagið Molde. Eitt skifti átti Røkke í enska fótbóltsfelagnum Wimbledon Football Club.
4 Røkke fór at sigla sum 18 ára gamal, og hann hevur onga hægri útbúgving. Sum ungur sigldi hann saman við fleiri føroyingum.
5 Í 2005 sat Røkke í fongsli í 25 dagar, eftir at hann varð funnin sekur í korruptión í sambandi við loyvi til eitt skip. Dómurin var annars 120 dagar
6 Í 2005 fekk Røkke næstan ein triðing av atkvøðunum, tá ið Dagens Næringsliv valdi ársins toppleiðara
7 Røkke er orðblindur, og hann heldur sjálvur, at tað hevur hjálpt at koma so langt, sum hann er komin sum vinnulívsmaður.
8 Kjell Inge býr í Skøyen í Oslo
9 Í 1982 fór Røkke undir sítt vinnulísvirksemi í USA, og bygdi upp sítt imperium gjøgnum eitt felag í Seattle.
10 Á einum lista hjá tíðarritinum Forbes fyri 2009 var Røkke roknaður sum tann 468. ríkasti persóinurin í heiminum.
