Rós til Braithwaite – Messi avgerandi

FC Barcelona er fyribils aftur á odda í sponsku landskappingin, eftir at katalanska stórfelagið vann 1-0 á Real Sociedad í gjár. Sigurin var ikki uttan umtalu, tí FC Barcelona var meiri heppið enn gott er.

Danski landsliðsspælarin, Martin Braithwaite, byrjaði inni og fær góð skotsmál. Hann var ein støðug hóttin við sínum renningum afturum verjuna hjá gestunum. Á hinum liðnum var norska stjørnuskotið, Martin Ødegaard, við í tí mesta, tá baskarnir hóttu.

Avgerandi løtan kom, tá bara tíggju minuttir vóru eftir. Eftir innlegg endar bólturin ótilvitað í ovara partinum av arminum hjá einum verjuspælara hjá Real Sociedad. Dómarin tjekkaði við VAR og hugdi í skermin við vøllin og metti, at tað var nokk til bortsspark.

##med2## 

Sum ikki eina ferð, so var tað Lionel Messi, sum mátti taka um endan og umsetti brotssparkið til mál. Við sigrinum hevur FC Barcelona fyribils lagt seg á odda í La Liga, men Real Madrid kann endurvinna sess í kvøld á útivølli móti Real Betis.