Rannvá býr í norðasta økishøvuðsstaðinum í Kanada

– Her er kavi frá november til hálvan juni og ísur á fjørðinum frá jólum til hálvan juli. Eingir vegir eru til nærmastu bú­seting, og vit ferðast mest við flogfari. Møguligt er eisini at fara við kavaskutara, hundasleðu og báti ella farmaskipi um summari. Í januar og februar eru um 30-40 kuldastig og kaldari, sigur Rannvá Erlingsdóttir Simonsen, sum býr í býnum Iqaluit í Nunavut, sum landnyðringspartinum av Kanada – norðan fyri Nýfundland og Labrador.

Í Iqaluit rekur hon sína egnu fyritøku, har hon arbeiðir við og evnar ymisk pløgg úr skinni. Eisini hevur hon endurbygt tveir av teimum fyrstu bygningunum á staðnum, sum verða leigaðir út á Airbnb.

– Í hesum partinum av býnum fáa vit vatn útvegað, og skarnvatn verður heintað hvønn dag við tangabili. Tá kavastormur er, mugu vit spara upp á vatnið. Her er effektiv kavarudding, so fyri tað mesta er koyrandi, sigur hon eisini í áhugaverdari samrøðu í blaðnum Vikuskifti í Sosialinum. 

Les alla greinina í blaðnum, sum er til keyps í sølubúðum kring landið ella talgilt her