Real Madrid kundi í fjør bókføra eina inntøku uppá 401,4 miljónir evrur. Harvið gjørdist Real Madrid tað fyrsta ítróttarfelagið - óannsæð ítróttargrein - sum kundi bókføra meir enn 400 miljónir evrur í inntøkum í einum og sama roknskaparári.
Hetta hevur kenda granskoðannarfyritøkan, Deloitte roknað seg fram til. Deloitte boðar frá, at tað eru serliga sjónvarpsrættindini, sum hava givið Real Madrid hesa risainntøkuna.
Arvafíggindin hjá Real Madrid, FC Barcelona er nú nummar tvey á listanum. Bretska pundið er veikt, og tað hevur kostað Manchester United í kappingini við Real Madrid og Barcelona. Barcelona hevði eina inntøku uppá 366 miljónir evrur, kappingarárið 2008/2009.
Deloitte metir, at tað einasta sum kann hótta støðuna hjá Real Madrid og Barcelona, er at bretska pundið aftur styrkir um støðu sína. Hendir tað ikki, so koma sponsku risarnir at liggja ovast á listanum tey næstu árini.
Her eru so tey 20 ríkastu fótbóltsfeløgini í heiminum :
1. Real Madrid, Spania
2. FC Barcelona, Spania
3. Manchester United, Ongland
4. Bayern München, Týskland
5. Arsenal, Ongland
6. Chelsea, Ongland
7. Liverpool, Ogland
8. Juventus, Italia
9. Inter Milan, Italia
9. AC Milan, Italia
11. Hamburger SV, Týskland
12. AS Roma, Italia
13. Olympique Lyon, Frakland
14. Marseille, Frakland
15. Tottenham, Ongland
16. Schalke, Týskland
17. Werder Bremen, Týskland
18. Borussia Dortmund, Týskland
19. Manchester City, Ongland
20. Newcastle United, Ongland
