Hevur tú verið úti og etið, drukkið eitt glas av víni og hugsar um at koyra heim? Rokna tína promillu út, áðrenn tú setur teg í bilin. Markið fyri, hvussu høga alkoholpromillu, tú hevur loyvi at hava í blóðinum, meðan tú koyrir bil, fór í 2009 frá at vera 0,5 til 0,2. Ein noyðist nú at ansa eyka nógv eftir, áðrenn ein setur seg aftan rættið. Serliga er tað dagin eftir, alkoholið kom í kroppin, at tað kann vera ivingarsamt, um ein er nóg edrúur at koyra.
Á www.laegehaandbogen.dk/default.aspx ber til at rokna rættiliga væl út, hvussu høg alkoholpromillan er í kroppinum.
Kanna tí altíð, hvussu høg tín promilla er, áðrenn tú setur teg aftan rættið og samstundis setur teg sjálvan og onnur í vanda í ferðsluni.
