Í kvøld kundu Cristiano Ronaldo og Portugal tryggjað sær HM-atgongumerkið við einum sigri á Írlandi.
Men, tað eydnaðist ikki, og vit kunnu siga, at tað mesta gekk galið hjá 40 ára gamla stjørnuspælaranum.
Tvey mál hjá Troy Parrott góvu Írlandi eina 2-0 leiðslu í fyrra hálvleiki í dystinum í Dublin.
Eftir einum tíma fóru leikarar at keglast á írsku hálvuni, og Ronaldo sló út eftir Dara O'Shea.
Tá dómarar høvdu hugt eftir hendingini í VAR, varð Cristiano Ronaldo vístur av vøllinum.
Í Írlandi var stór frøi um 2-0 sigurin, og írska landsliðið hevur framvegis ein teoretiskan møguleika at tryggja sær HM-luttøku.
Portugal er tvey stig frammanfyri Ungarn og tryggjar sær HM-luttøku við sigri yvir Armenia.
Ein javnleikur er eisini nóg mikið fyri Portugal, um Ungarn ikki vinnur á Írlandi við í minsta lagi fýra málum.
Hetta skrivar Verdens Gang í kvøld.
