Juventus hevur verið einaráðandi seinastu níggju árini í italsku Seriu A, men í ár verður nýggjur meistari í landskappingini.
Inter Milan er klárt oddalið í deildini. Í gjár vinnu teir 2-0 á útivølli móti Crotone og eru komnir upp á 82 stig. Tað eru 13 stig fleiri inn granarnir úr AC Milan, sum eru nummar tvey við 69 stigum. Síðani koma Atalanta og Napoli við ávikavist 68 og 66 stigum á triðja og fjórða plássi.
Juventus satsaði stórt, tá felagið í 2018 keypti Cristiano Ronaldo. Málið var at vinna Champions League, men hesi árini hevur endastatiónin verið í endaspælinum móti feløgum sum Ajax, Lyon og FC Porto.
Undan hesum kappingarárinum bleiv Andrea Pirlo settur sum venjari, men hóast eginleikarnir á vøllinum vóru framúr, so tykist hann enn hava nakað at læra sum venjari. Eftir níggju meistaraheiti upp í slag, so verður luturin hjá Juventus og Cristiano Ronaldo í endaspælinum at tryggja sær pláss í topp fýra, so felagið sleppur í Champions League komandi kappingarár, nú European Super League ikki bleiv til nakað – hóast Juventus arbeiddi hart fyri tí.
| 1 | Inter Milan | 34 | 25 | 7 | 2 | 74:29 | 82 |
| 2 | AC Milan | 34 | 21 | 6 | 7 | 62:41 | 69 |
| 3 | Atalanta | 33 | 20 | 8 | 5 | 78:39 | 68 |
| 4 | Napoli | 33 | 21 | 3 | 9 | 73:37 | 66 |
| 5 | Juventus | 33 | 19 | 9 | 5 | 65:30 | 66 |
| 6 | Lazio | 32 | 19 | 4 | 9 | 56:46 | 61 |
| 7 | Roma | 33 | 16 | 7 | 10 | 58:51 | 55 |
| 8 | Sassuolo | 33 | 14 | 10 | 9 | 55:50 | 52 |
| 9 | Hellas Verona | 34 | 11 | 9 | 14 | 41:42 | 42 |
| 10 | Sampdoria | 33 | 12 | 6 | 15 | 43:47 | 42 |
| 11 | Udinese | 33 | 10 | 9 | 14 | 38:44 | 39 |
| 12 | Bologna | 33 | 10 | 8 | 15 | 44:53 | 38 |
| 13 | Genoa | 33 | 8 | 12 | 13 | 37:48 | 36 |
| 14 | Fiorentina | 33 | 8 | 10 | 15 | 42:54 | 34 |
| 15 | Spezia | 34 | 8 | 10 | 16 | 43:63 | 34 |
| 16 | Torino | 32 | 6 | 13 | 13 | 46:56 | 31 |
| 17 | Cagliari | 33 | 8 | 7 | 18 | 39:56 | 31 |
| 18 | Benevento | 34 | 7 | 10 | 17 | 37:68 | 31 |
| 19 | Parma | 33 | 3 | 11 | 19 | 36:70 | 20 |
| 20 | Crotone | 34 | 5 | 3 | 26 | 42:85 | 18 |
