Í annaðkvøld klokkan 19.45 spælir føroyska landsliðið seinasta HM-undankappingardystin á hesum sinni.
Í bólki L spæla okkara móti Kroatia á HNK Rijeka leikvøllinum í Rijeka.
Kroatia er fremst í bólkinum við 16 stigum, Kekkia hevur 13 stig, meðan Føroyar hava 12 stig. Skulu okkara røkka Play Off dystum um at sleppa til HM í USA/Meksiko/Kanada, so mugu Føroyar vinna á Kroatia. Samstundis má Gibraltar komandi mánakvøld á útivølli vinna ella fáa javnleik móti Kekkia. Møguleikin er lítil, men okkara ætla at fara eftir møguleikanum.
Tað verður ein altjóða royndur dómari úr Aserbadjan, ið fer at leiða dystin millum Kroatia og Føroyar. Talan er um Əliyar Ağayev.
38 ára gamli, Əliyar Ağayev gjørdist altjóða dómari í 2013. Hann hevur dømt fitt av EM- og HM-undankappingardystum, og hann hevur eisini verið dómari til U17 og U19 endaspøl. Hann hevur síðani 2015 dømt dystir í evropeiskum kappingum fyri felagslið.
KROATIA - FØROYAR
Dómari: Əliyar Ağayev AZE
Hjálpardómari 1: Zeynal Zeynalov AZE
Hjálpardómari 2: Akif Əmirəli AZE
Fjórði dómari: Elçin Məsiyev AZE
VAR dómari: Tiago Bruno Lopes Martins POR
VAR hjálpardómari: Bruno Alexandre da Silva Esteves POR
UEFA dómaraeygleiðari: Alieh Čykun BLR
UEFA umboð: Vito Di Gioia ITA
