Ársins motorur 2016 er kosin, og var tað Ferrari, sum fór við sigrinum.
Tað varð ikki, sum roknað var við, ein lítil orkusparandi motorur, ið varð kosin ársins motorur 2016 á International Engine of the Year Awards í Stuttgart í Týsklandi.
Harafturímóti var tað Ferrari bilverksmiðjan í Italia, sum vann hendan heiður við sínum 3,9 litra V8 biturbo motori, sum er í Ferrari 488 GTB.
Ein dómsnevd við 62 motorserfrøðingum frá yvir 30 londum mettu at 3.9-litra motorurin hjá Ferrari skuldi hava fyrsta plássið. Talan er um ein stóran sera framkomnan motor við 670 hestakreftum. Botntrekkið er upp á 760 Nm við 3.000 snún/min.
International Engine of the Year Awards er presenterað av Engine Technology International Magazine, sum er óbundið av lýsingum ella øðrum stuðli frá bilaídnaðinum.
Les meira um bilar á www.in.fo/bilar/
