Árligi ruddingardagurin, sum áhugafelagsskapurin Rudda Føroyar skipar fyri, verður 16. september.
Síðan Rudda Føroyar varð stovnað í 2018 og fór undir at skipa fyri ruddingum, eru umleið 100 tons av burturkasti tikin upp úr náttúruni.
Á hvørjum ári í september fara soleiðis eini 1.500 fólk út í føroysku náttúruna at rudda.
Í ár verður tó tjóvstartað á Skipanesi mánadagin hin 21. august, har ruddað verður frá klokkan 10-14.
- Rudda Føroyar hevur gestir úr Noregi, sum koma at frætta um viðurskifti við burturkasti, dálking, endurnýtslu, burðardygd og tílíkum.
Við heimasíðuna hjá Runavíkar kommunu í dag siga Rudda Føroyar, at fólk er hjartaliga vælkomin at rudda saman við nevndarlimum í Rudda Føroyar og útlendsku gestunum.
Yvirskipaða endamálið við verkætlanini, Rudda Føroyar, er at fáa ein reinan og sunnan ruskleysan heim.
- Meira ítøkiliga skulu so nógvir føroyingar sum gjørligt fáast til at taka lut í altjóða ruddingardegnum, sum fer fram samstundis í nógvum av heimsins londum, verður lagt aftrat.
Í 2022 luttóku 60 miljónir sjálvboðin úr 191 londum, og 303.000 túsund tons av ruski vórðu savnað.
