Tað er einki, sum bendir á, at Russland ætlar sær at gevast við sínari krígsførslu í Ukraina.
Í dag veit tíðindastovan NTB at siga, at russiska Duma'in hevur samtykt, at hernaðarútreiðslurnar í 2025 skulu veksa við næstan 30 prosentum.
Hetta hendir, hóast útreiðslurnar til russiska herin í dag longu eru methøgar.
Undirhúsið í russiska tjóðartinginum - Duma'ini - samtykti í dag at brúka 1480 milliardir norskar krónur til vápnaðu deildir landsins og russiska herin í Ukraina.
1480 norskar milliardir svara til stívliga 900 milliardir í okkara peningi.
Útreiðslurnar til russiska herin næsta ár fara at "eta" umleið seks prosent av russisku bruttotjóðarúrtøkuni, veit tíðindastovan NTB at siga.
