Orðini eigur ukrainski varaforsætisráðharrin, Irina Verestsjuk, sum hevur lagt hesi boð út á sosiala miðilin, Telegram.
Í sínari útlegging heitir hon á íbúgvar í hersettu økjunum í Ukraina um antin at rýma - ella at "fyrireika" seg.
Sambært Irinu Verestsjuk er ávíst órógv millum íbúgvarnar í hersettu regiónunum.
Um órógvið stendst av væntandi ukrainskum álopum - ella russisku hersetingini - er óvist.
Hetta framgongur heldur ikki beinleiðis í útleggingini á Telegram hjá ukrainska varaforsætisáðharranum.
- Hetta kemur ikki óvæntað. Men, tað eru framvegis stundir at rýma úr hersettu økjunum, sigur hon.
Og Irina Verestsjuk leggur aftrat:
- Tit vita, hvat tit mugu gera. Tað týdningarmesta er, at tit verja tykkum sjálvi og børnini, leggur hon aftrat.
Tað er norska Dagbladet, sum í kvøld endurgevur ukrainska varaforsætisráðharran.
