Í kvøld vann føroyingaliðið í Göteborg, Sävehof seg í hálvfinalurnar í endaspælinum í bestu svensku hondbóltsdeildini.
Tað gjørdi Sävehof við teprum 30-29 (15-15) sigri á Guif í Partille, har Óli Mittún og Elias Ellefsen á Skipagøtu høvdu ein sera avgerandi leiklut í sigrinum seinastu løtuna av dystinum.
Sigurin merkir, at Sävehof vinnur fjórðingsfinaluuppgerðina móti Guif 3-0.
Í hálvfinalunum har tað eisini verður spælt best av fimm dystum møtir Sävehof Ystad. Hálvfinalurnar móti Ystad vera ikki leiktar fyrrenn í fyrru helvt av mai.
Skráin sær soleiðis út:
3 mai: IK Sävehof-Ystads IF
6 mai: Ystads IF-IK Sävehof
9 mai: IK Sävehof-Ystads IF
12 mai: Ystads IF-IK Sävehof
16 mai: IK Sävehof-Ystads IF
Elias og Óli kunnu sostatt komandi dagarnar fokusera upp á at venja og fokusera upp á uppgávurnar við landsliðnum, har sera týðandi EM-undankappingardystir móti Ukraina á heimavølli og Eysturríki á útivølli skulu spælast 26. og 30. apríl.
