Tað verður ein góður "kenningur" hjá KÍ, ið fer at døma EM-undankappingardystin millum Póland og Føroyar.
Dysturin verður leiktur á PGE Narodowy leikvøllinum í Warszawa komandi hóskvøld klokkan 19.45.
34 ára gamli slovenski dómari David Šmajc verður høvuðsdómari til dystin millum Póland og Føroyar.
David Šmajc var eisini høvuðsdómari til legendariska dystin í fyrsta undanumfarinum í Champions League millum Ferancvaros og KÍ, ið KÍ vann 3-0. Dysturin var spældur 19. juli.
David Šmajc var fjórði dómari til fyrra Europa League Play Off dystin millum KÍ og Sheriff Tiraspol, ið var leiktur á Tórsvølli 24. august.
PÓLAND - FØROYAR| Bólkur E
Dómari: David Šmajc (SVN)
Hjálpardómari 1: David Gabrovec (SVN)
Hjálpardómari 2: Aleksandar Kasapovič (SVN)
Fjórði dómari: Rade Obrenovič (SVN)
UEFA dómaraeygleiðari: Stéphane Lannoy (FRA)
UEFA umboð: Phivos Constantinides (CYP)
Enn eru VAR-dómararnir ikki tilnevndir.
