Fitt av fólki var møtt upp til aðalfundin, og er orsøkin helst at finna í øktu undirtøkuni av flokkinum.
Á skránni var lógarfesta dagsskráin við m.a. ársfrágreiðing og nevndarvali.
Bjarki Henriksen, formaður, legði fram ársfrágreiðingina við virkseminum farna árið.
Á vali 1998 vóru Eyðfinn Stórá, Evald Sólvitsson og Lorraine Simonsen, umframt varalimirnir sum skulu veljast á hvørjum ári.
Evald Sólvitsson, og Lorraine Simonsen ynsktu ikki afturval.
Í mun til undanfarin ár, var valið í ár eitt stríðsval.
Eyðfinn Stórá varð afturvaldur, og nývald saman við honum vóru Olga Fossdalsá og Páll á Reynatúgvu. Nevndin skipar seg sjálv.
Sum varalimir vóru valdir Tollak Clementsen og Ragnar Ørvarodd.
Til aðalstjórnina bleiv Bjarki Henriksen valdur. Varamaður hjá honum er Páll á Reynatúgvu.
Umboð til Flokstingið vóru vald Elis Poulsen og Tummas Løkjá. Varaumboð eru Tollak Clementsen og Evald Sólvitsson.
Uppgávur fyri framman hjá felagnum:
Fyrireiking av Løgtingsvalinum, har ætlanin er at fyriskipa einum fundi við umboðum frá politisku flokkunum. Serlig dagsskrá verður til henda fundin.
Nýggir limir kunnu tekna seg hjá einum av nevndarlimunum.
