Sandoyarstevnan verður heima á Sandi í ár frá 20. til 22. august. Ungmannafelagið Virkið skipar fyri stevnuni.
Fyrireikararnir siga, at nógv gott verður á skránni so sum tombola, ríðing á hestabaki, matsøla og barr, kafè, miðnáttarrøða og sangur, hoppiborgir, forvitnisligar framsýningar, túrar útimøti og mangt annað. Eisini verður ein minnissteinur avdúkaður í Søltuvík.
Skráin kemur út til øll sandoyggjafólk í næstum.
Sandoyarstevnan er á hvørjum ári í Sandoynni. Í fjør var hon í Skopun, í ár á Sandi, komandi ár verður hon í Skálavík og síðani í Húsavík. Seinast stevnan var á Sandi, var í 2006, siga fyrireikararnir.
