Felagið Føroyskir Sjúkrarøktarfrøðingar vrakaðu fyrr í kvøld eitt semingsuppskot, sum Semingsstovnurin legði fyri teimum og Lønardeildini hjá Fíggjarmálaráðnum.
Hetta veit Kringvarpið at siga.
Terji Sigurðsson sigur við KVF, at harvið er semingin endað.
Semingsroyndin byrjaði á miðdegi týsdagin.
Tey fóru heim, tá klokkan gekk til tíggju týskvøldið.
Í gjáramorgunin hittust tey aftur klokkan níggju og sótu til klokkan níggju í gjárkvøldið.
Felagið Føroyskir Sjúkrarøktarfrøðingar og Lønardeidin hjá Fíggjarmálaráðnum sendu boð eftir Semingsstovninum 24.august, skrivar KVF.
