Seinnapartin verður 27. og síðsta umfar í 1. deild í fótbólti. Tað er longu greitt, at 07 Vestur og AB næsta ár skulu spæla í bestu deildini, og at B68 og NSÍ skulu spæla í 2. Deild.
Í gjárkvøldið var framskundaður dystur í Runavík, har NSÍ hevði vitjan av KÍ. Klaksvíkingar vunnu 2-1. Sigursmálið varð skorað tríggjar minuttir undan leikloki. NSÍ er aftast í deildini, og KÍ er á fimta plássi fyribils. Víkingur hevur við sigri við Margáir seinni í dag møguleika at vinna fimta plássið og harvið at tryggja sær ein eyka heimadyst næsta kappingarár.
Skála fær í dag vitjan av 07 Vestur. Skála misti fyri viku síðani møguleikan at flyta upp. Í dag fæst at síggja, um skálamenn eftir vónbrotið kunnu manna seg upp aftur.
Fríggjadagin 21. september
NSÍ-KÍ 1-2 (1-1)
0-1: Eivindur Sørensen 26.
1-1: Viggo Hansen 41.
1-2: John Guðjónssson 87.
Í dag kl. 15.00:
B71-AB: Ransin N. Djurhuus
EB/Streymur-Víkingur: Rúni Gaardbo
Skála-07 Vestur: Rói Jacobsen
B68-HB: Kári J. á Høvdanum
Støðan
07 Vestur 65
AB 58
Skála 54
HB 44
KÍ 38
Víkingur 36
B71 27
EB/Streymur 27
B68 14
NSÍ 14
KÍ og NSÍ hava spælt 27 dystir, og hini liðini hava spælt 26 dystir.
