Kolumbiska poppstjørnan Shakira savnaði í nátt okkara tíð næstan tvær milliónir fólk til ókeypis konsert á Copacabana-strondini í brasilska býnum Rio de Janeiro.
Undir fullmána fór 49 ára gamla poppstjørnan á ein stóran pall framman fyri Copacabana Hotel ein tíma seinkað.
Dronur flugu runt og skaptu eina mynd av einum honúlvi, sum hevur verið vørumerkið hjá Shakira í nógv ár.
Shakira síðani við fleiri av sínum størstu hittum, eitt nú løgini "Hips Don't Lie", "Waka Waka" og "Whenever, Wherever".
Fleiri av tónleikagestunum høvdu gist nátt á heimskendu strondini fyri at fáa eitt gott pláss til framførslu hennara.
Shakira, sum hevur selt fleiri enn 90 milliónir fløgur um allan heimin, er ógvuliga væl umtókt í Brasil. Í fjør byrjaði hon ferðina í Rio de Janeiro.
Dagarnar frammanundan konsertini høvdu fjeppararnir sett legu upp uttanfyri hotellið Copacabana Palace, har Shakira býr á vitjanini. Onkur teirra vónaði at fáa eitt glimt av poppstjørnuni.
Næstan 8.000 løgreglufólk vóru sett út at halda trygdina til stóra tiltakið. Áhoyrararnir skuldu eisini ígjøgnum 18 kanningarstøð við metaldetektorum.
Lokalmyndugleikarnir hava mett, at Shakira-konsertin fer at geva eina innspræning uppá meira enn 160 milliónir dollarar í búskapin á staðnum. Hetta svarar til eina góða milliard krónur.
Brasilskir ferðavinnumyndugleikar hava boðað frá, at talið av flogbíleggingum er vaksið við 80 prosentum í mun til sama tíðarskeið í 2024.
Seinastu árini hava fleiri altjóða sangstjørnur savnað stórar mannamúgvur á Copacabana.
Í 2024 framførdi Madonna fyri 1,6 milliónum fólkum á ovurstóru strondini í brasilska stórbýnum, áðrenn Lady Gaga savnaði 2,1 milliónir til konsert í Copacabana í fjør.
/Ritzau/AFP
