Komandi dagarnar fer Rás2 veruliga at spenna seg út við fótbóltsfrásagnum.
Rás2 fer at siga frá øllum HM-undankappingardystunum, sum føroyska kvinnulandsliðið skal spæla teir komandi dagarnar. Í vikuskiftinum fer Rás2 eisini at siga frá trimum effodeildardystum.
Dystirnir Tróndur Arge og Hilmar Jan Hansen fara at siga frá á Rás2 komandi dagarnar verða hesir;
Hóskvøldið klokkan 19.30: Føroyar-Luksemborg (HM undankappingardystur, kvinnur)
Leygardagin klokkan 15: Føroyar-Montenegro (HM undankappingardystur, kvinnur)
Leygardagin klokkan 17: B36-NSÍ (effodeildin)
Sunnudagin klokkan 15: 07Vestur-KÍ (effodeildin)
Sunnudagin klokkan 15: ÍF-HB (effodeildin)
Týsdagin klokkan 13: Føroyar-Turkaland (HM undankappingardystur, kvinnur)
Sunnudagin verður sendingin "Triði Hálvleikur" eisini á skránni á Rás2.
Øll kunnu hoyra fótbóltsfrásagnirnar hjá Tróndi Arge og Hilmari Jan Hansen á www.midlar.fo, og annars á FM 88,7, FM 95,9, og á FM 98,7.
In.fo fer eisini at hava beinleiðis frásøgn frá øllum dystunum. Ljóðsamrøður, myndir og samanumtøkur koma eisini út á in.fo, tá dystirnir eru spældir.
