Tvey føroyingalið vóru í leiki í næstbestu donsku hondbóltsdeildini í kvøld.
Pauli Mittún, Pætur Mikkjalsson og liðfelagarnir í Team Sydhavsøerne vunnu á heimavølli 31-26 á Norddjurs. Í steðginum vóru suðuroyggjamenn á odda 16-13.
Pauli var næstbesti málskjúttin hjá heimaliðnum við fimm málum, og Pætur skoraði tvey mál.
Kjartan Johansen og liðfelagarnir í Lemvig-Thyborøn vunnu á útivølli 35-32 á Midtjyllandi. Í steðginum vóru Kjartan og liðfelagarnir á odda 17-15.
Kjartan skoraði tvey mál.
Í morgin klokkan 15 verður føroyingauppgerð. Tá taka Pauli Jacobsen og liðfelagarnir móti FIF, ið hevur Leiv Mortensen, Boga Hansen, Janus og Jónas Djurhuus á liðnum.
Støðan:
| Nr. | Lið | Dystir | Stig |
|---|---|---|---|
| 1 | HØJ | 3 | 6 |
| 2 | Skive | 4 | 6 |
| 3 | Lemvig-Thyborøn | 4 | 4 |
| 4 | Norddjurs | 4 | 4 |
| 5 | Sydhavsøerne | 4 | 4 |
| 6 | Tønder | 4 | 4 |
| 7 | Aarhus HC | 3 | 4 |
| 8 | HC Odense | 3 | 4 |
| 9 | HC Midtjylland | 4 | 4 |
| 10 | Rækker Mølle | 4 | 4 |
| 11 | Odder | 4 | 2 |
| 12 | Roskilde | 4 | 2 |
| 13 | FIF | 3 | 2 |
| 14 | Faaborg | 4 | 2 |
