07 Vestur er einsamalt oddalið í 1.deild hjá monnum, meðan Skála hálar inn á AB, sum hevur mist stevið eftir eina góða byrjan. Munurin er bara eitt stig.
07 Vestur vann 2-1 á KÍ í Sørvági. Øll málini komu í fyrra hálvleiki. Tór-Ingar Akselsen legði 07 Vestur á odda longu aftaná níggju minuttir. Miðskeiðis í fyrra hálvleiki økti Jákup S. Olsen til 2-0, áðrenn Johan Jacobsen minkaði um munin fyri KÍ. Móti endanum av dystinum fekk Ivan Joensen sítt næsta gula kort og var harvið útvístur fyri KÍ.
Á Argjum vann HB 2-0 á AB. Málini komu í hvør sínum hálvleiki. Tróndur Jensen legði HB á odda á fyrra hálvleiki. Í seinna hálvleiki økti Kristin R. Mouritsen til endaliga støðuna 2-0. Argjamenn hava bara fingið eitt stig av níggju møguligum í seinnu hálvu.
Skála andar AB í nakkan og hevur nú bara eitt stig færri. Skála hevði vitjan av teimum næstbestu hjá B68. Avgerandi løtan í dystinum kom eitt korter fyri tíð, tá Ólavur Mikkelsen legði Skála á odda upp á brotsspark.
Hinr báðir dystirnir í 19. umfari, B71 móti Víkingi og NSÍ móti EB/Streymur endaðu við javnleiki 2-2.
19. umfar:
07 Vestur KÍ 2-1 (2-1)
1-0 Tór-Ingar Akselsen, 9
2-0 Jákup S. Olsen, 21
2-1 Johan Jacobsen, 29
AB HB 0-2 (0-1)
0-1 Tróndur Jensen, 36
0-2 Kristin R. Mouritsen, 69
Skála B68 1-0 (0-0)
1-0 Ólavur Mikkelsen, 75 (br)
B71 Víkingur 2-2 (2-0)
1-0 Rasmus F. Nielsen, 18
2-0 Bakari Bojang, 40
2-1 Joseph Y. Bassene, 49
2-2 Sverri Jacobsen
NSÍ EB/Streymur 2-2 (1-1)
1-0 Magnus H. Olsen, 34
1-1 Jóhannes Hansen, 39
1-2 Ólavur F. Ejdesgaard, 46 (br)
2-3 Magnus Pauli Sørensen, 80
Støðan í 1.deild:
1. 07 Vestur 46 stig
2. AB 40
3. Skála 39
4. HB 30
5. Víkingur 27
6. KÍ 23
7. B71 21
8. EB/Streymur 20
9. NSÍ 14
10. B68 11
