Skal alt til Havnar?

Musikklærarafelag Føroya

Háttvirdu landsstýrismenn!
Sum kunnugt eru flest all­ir lærarar í Mus­ikk­skúl­a­skip­anini vanir at ferðast kring landið í und­ir­vís­ing­ar­ør­ind­um. Fyri hetta hava lær­ar­ar sambært reglum í mong ár fingið endurgjald á 15 kr/t. Hetta hevur kost­að umleið kr. 200.000,- ár­liga av samlaðu játtanini til Musikkskúlaskipanina.
Tann 1. august 2005 varð henda skipan brádliga av­tik­in uttan nakra fráboðan.
Musikklærarafelag Før­oya hevur síðan verið í støð­u­gum s­amskifti við bæði Fíggj­ar­málaráðið og Ment­a­mál­a­ráðið, har vit hava gjørt vart við tær sera ó­hepnu avleiðingarnar av hesi avgerð. Men hóast nógv­ar áheitanir og nógvar fund­ir er skipanin framvegis av­tikin og eingin onnur kom­in í staðin.
Hjá okkum musikk­lær­ar­um er hetta eitt álvarsligt mál. Tað er ikki óvanligt, at ein musikklærari nýtir 10 tím­ar ella meir um vikuna til ferðing. Fyri ta tíð, ið lær­ar­ar nýta til alla hesa ferð­ing verður als einki end­ur­gjald latið longur har land­fast er. Tím­a­nið­ur­skurð­ur verður ei heldur latin, utt­an so at heilt serligar treytir eru uppfyltar. Øll henda ferð­ing millum bygdir og oyggj­ar fer sostatt burturav frí­tíð­ini hjá teimum lær­ar­um, ið starvast á fleiri støð­um.
Avleiðingarnar av hesi skip­an eru nú um at gerast sjónsk­ar. Lærarar vilja sleppa undan at ferðast, og hvørja ferð høvi býðst fáa lær­ar­ar fulltíðarstørv á ein­um og sama stað. Hetta ber sum kunngt bert til á stór­pláss­um. Sambært upp­lýs­ing­um frá Mu­sikk­skúl­a­skip­an­ini starvast eftir hondini trett­an (13) musikklærarar burt­urav í Tórshavn. Ein fleir­fald­ing eftir fáum ár­um.
Musikklærarafelag Før­oya harmast almikið um hesa gongdina og heitir á pol­it­iska myndugleikan um at virka fyri eini loysn, so­leið­is at vit í felag tryggja børn­um og ungum um alt land­ið fjølbroytta og dygd­ar­góða tónleikafrálæru.