Samráðingar eru á almenna arbeiðsmarknaðinum, og Starvsmannafelagið er í samráðingum í hesum døgum.
Ein avleiðing av einum møguligum verkfalli hjá Starvsmannafelagnum hevur mangan verið, at Smyril verður lagdur.
Hetta hevur fingið Suðurrás at kanna hetta nærri og soleiðis skrivar www.sudurras.fo í dag:
Á SSL vísa tey í morgun á, at tað í sáttmálanum hjá Starvsmannafelagnum er ein grein, sum ásetur, at um so er at verkfall verður, so skulu skipini á øllum farleiðum – eisini um Suðuroyarfjørð – sigla í minsta lagi eina ferð um samdøgri. Tað vil siga, at um Starvsmannafelagið fer í verkfall, so verður siglt í minasta lagi ein túr aftur og fram um Suðuroyarfjørð.
Ásetingin um minimumsigling er í §45a í sáttmálanum hjá Starvsmannafelagnum:
§ 45a Minimumsigling.
Í samband við arbeiðssteðg binda partarnir seg til at lata skipini á øllum farleiðum sigla minst einaferð um samdøgrið. Sigling í Kalsoynna, í Sandoynna og til Nólsoyar skal tó verða minst 2 ferðir um dagin í 21 dagar. Aftan á tað skulu partarnir verða samdir um framhaldandi sigling.
Stk. 2. Útoyggjar eru undantiknar skerjingini í siglingini samb. stk. 1. Undantakið er galdandi fyri leiðirnar 58 og 66.
Stk. 3. Sum arbeiðssteðgur er her at rokna verkfall, verkbann, ella onnur niðurlegging av arbeiðinum.
Stk. 4. Sigling smb. Stk. 2. verður lønt við tímalønini (ásett í §5) x 1.5, fyri í minsta lagi fyri 4 tímar hvørja ferð.
Stk. 5. Ásetingin um sigling smb. stk. 1, er galdandi.
Hetta skrivar Suðuroyarportalurin á www.sudurras.fo.
