Fyri løtu síðan bóru vit tíðindini frá vaktleiðaranum á løgreglustøðini í Havn um, at eldur var í einum sethúsum í Krossgøtu í Havn.
Hetta spældi tíbetur alt væl av. Myndamaður hjá in.fo var á staðnum og tók hesa myndina av húsunum, sum eldur var í.
Sum skilst, var eldurin íkomin á loftinum, men hann gjørdist ongantíð so nógvur, at húsini stóðu í ljósum loga.
Tá in.fo hevði samband við myndamannin fyri løtu síðan, hevði sløkkiliðið havt roykkavarar inni, sum syrgdu fyri, at eldurin varð sløktur.
Tíbetur hendi eingin mansskaði í tilburðinum í Krossgøtu í Havn í kvøld.
