SMS: H71 koppaði oddaliðnum - VÍF vann stórsigur á Stjørnuni

H71 hevur kveikt í spenningin um kappingina um tvey tey fremstu plássini í SMS-deildini. Tað gjørdi H71 við at vinna 32-27 á Neistanum í høllini á Hálsi í Havn. 

Í steðginum var H71 á odda 15-13. Tá níggju minuttir vóru eftir av dystinum var støðan javnleikur 25-25, men seinastu løtuna var H71 greitt omaná.

Maria P. Nólsoy var stórskjútti hjá Neistanum við 15 málum. 

Guðrið á Borg gjørdist toppskjútti hjá H71 við átta málum.

HER ber til at síggja dómaraseðilin hjá HSF:

##med2##

Í høllini í Vestmanna vann VÍF stórsigur 42-26 á Stjørnuni. Í steðginum var heimaliðið á odda 22-14.

Fríða Nolsøe Olsen var toppskjútti hjá VÍF við sjey málum. Toppskjútti hjá Stjørnuni var Durita Ljósstein Johansen við átta málum.

HER ber til at síggja dómaraseðilin hjá HSF:

##med3##

Suðuri í Vágshøll vann StÍF 27-23 á VB. Eingin dómaraseðil er tøkur frá dystinum.

Klokkan 18 spæla Kyndil og EB í høllini á Hálsi í Havn.