Manchester United, Manchester City, Tottenham og Liverpool vunnu øll sínar dystir í Premier League í dag, meðan Arsenal vann stórdystin móti Chelsea heldur lættliga 3-0.
Manchester United vann lættan 4-1 sigur á Leicester, sum als ikki er komið fyri seg eftir meistaraheitið farna kappingarár. Fyri Manchester United, so kom tað væl við, at Paul Pogba skoraði. Hann hevur verið fyri atfinningum, síðani hann bleiv heimsins dýrasti spælari.
Manchester City og Tottenham greiddu sín seting á útivølli, meðan Liverpool vann greiðan sigur á heimavølli móti Hull City. Everton kláraði ikki at halda fram við góðu gongdini, og tapti.
Stóri dysturin í dag var í London millum Arsenal og Chelsea. Her vann Arsenal heldur óvæntað ein lættan 3-0 sigur. Alexis Sanchez, Theo Walcott og Mesut Ozil skoraðu málini.
Premier League 6. umfar:
Manchester United 4 - 1 Leicester City
AFC Bournemouth 1 - 0 Everton
Liverpool 5 - 1 Hull City
Middlesbrough 1 - 2 Tottenham Hotspur
Stoke City 1 - 1 West Bromwich Albion
Sunderland 2 - 3 Crystal Palace
Swansea City 1 - 3 Manchester City
Arsenal 3 - 0 Chelsea
