Danska veðurstovan DMI roknar við, at vit fáa løtur við sól um vikuskiftið, men tað verður eisini nakað av avfalli onkur tíðarskeið.
DMI sigur, at í dag vera 5-10 m/s av suðri og útnyðringi, í støðum upp í 13 m/s. Skiftandi skýrák og ælaveður. Í kvøld undir 5 m/s av ymsum ættum og klárt. Hitin millum 3 og 6 stig.
Leygardagin vera 3-8 m/s av ymsum ættum, seinni 5-10 m/s av landsynningi. Turt og nakað av sól, men sum frálíður skýggjað og regn í støðum. Hitin millum 5 og 9 stig.
Sunnudagin vera 3-8 m/s av ymsum ættum, fyri tað mesta turt og í støðum tám ella mjørki. Hitin millum 7 og 11 stig.
