Danska veðurstovan DMI væntar, at tað verður lítið av vindi og lutvíst turt hetta vikuskiftið.
Leygardagin vera 5-10 m/s av norði. Samdrigið og regn ella ælaveður. Í kvøld vera 3-8 m/s av norði og regn, men í nátt verður turt. Hitin verður millum 5 og 8 stig, í nátt millum 3 og 6 stig.
Sunnudagin vera 3-8 m/s av ymsum ættum. Skiftandi skýrák og løtur við sól, men eisini okkurt æl. Hitin verður millum 5 og 9 stig.
