Ólavur í Beiti
Er tað veruliga so, at Sosialurin hevur biðið CJJ ummæla eina bók, so eri eg stórliga skuffaður av hesum blað, tí so hevur blaðið – væl vitandi – biðið um at fáa ummæli á slíkum støði! Nú hevur Hanus Kamban skrivað sína meting av hesum slagi av ummæli og grundgevur fyri, hví hesin meiaristurin skrivar soleiðis, so tað er óneyðugt hjá mær uppaftur at siga mína meting! Hana havi eg eisini skrivað um í viðmerkingini sum fyrst stóð í Oyggjatíðindum tann 20. desember undir yvirskriftini: Meiarí-filosoffurin.
Vit skrivandi hava ikki brúk fyri hesum slagi av ummælum, og eg hugsi at redaktiónin á Sosialinum eigur at rætta sovorðin “ummæli” til at vera lesarabrøv! Eg havi gjørt mítt kanningararbeiði og spurt eitt starvsfólk á Sosialinum, um blaðið hevur heitt á henda meiaristin at ummæla, men viðkomandi dugdi ikki greitt at svara, men helt at CJJ hevði sent tað inn av sínum eintingum!
Er tað so, so kunnu vit rættiliga staðfesta, at maðurin er ikki rættsiktaður! So er hann uppaftur verri statt enn eg skrivi um í míni viðmerking: Meiarí-filosoffurin! Men Sosialurin hevur eisini eina ábyrgd at rætta sovorðin “ummæli” - at flyta tey yvir til lesarabrøvini!
Nú vóni eg at góði vinurin og ábyrgdarblaðstjórin á Sosialinum, Jan M?ller, tekur sær stundir at svara hesum spurningi: Hevur Sosialurin heitt á Carl Jóhan Jensen um at ummæla bókina Burtur?
Viðmerking:
Sosialurin roynir eftir førimuni at fáa fólk at ummæla tær mongu bøkur, sum verða givnar út. Millum hesar mongu ummælarar er eisini Carl Johan Jensen.
Jan Müller, blaðstjóri
