Klokkan 17 í gjár hendi eitt óhapp, tá ið sprongt varð á havnaøkinum, har Krás skal byggja út.
Tað hendi tað, at smágrót fór út millum spreingimátturnar.
Grótið rakti onkran bil, fór á takið hjá Krás, og ein rútur í hurðini hjá Thor brotnaði av smásteinum.
Arbeiðseftirlitið hevur verið og kannað viðurskiftini. Einki lógarbrot er framt, men eingin ivi er um, at tað hevur verið ov illa dekkað til, sigur sýnsmaðurin.
Eingin fólkaskaði hendi.
