Meinhard Jacobsen, Msc Fiskivinnutøkni
----
Nakrir spurningar til Havstovuna í samband við samrøðuna sum Útvarp Føroya hevði við Jan Arge Fiskifrøðing, um makrel, tann 9 februar 2012.
Samrøða snúði seg um hvørja ávirkan, ið makrelur hevur ella kann hava á botnfiskastovnarnar undir Føroyum. Evnið er sera viðkomandi, og tí er samrøðan líkaso áhugaverd.
Ført verður fram í samrøðuni, at tað er einki, ið týður uppá, at makrelur hevur nakra beinleiðis ávirkan á tosk, hýsu og upsa undir Føroyum. Beinleiðis ávirkan í hesum førum sipast helst til, at makrelur ikki etur yngul av hesum fiskastovnum.
Skal seinri í vikuni venda aftur til hetta við at makrelurin ikki ávirkar tosk, hýsu og upsa.
Undir samrøðuni segði Jan nakað annað, sum var sera áhugavert. Hann segði: »Vit hava havt ár, har tað hevur verið nógv nebbasild og eisini makrelur og tað mótsatta«.
Hetta er sera áhugaverd upplýsing. Av tí at henda upplýsing ikki hevur verið frammi fyrr, so er neyðugt at spyrja meira nágreiniligt inn til evnið.
Hevur Havstovan verið varug við nógvan makrel og nógva nebbasild í føroyskum sjógvi samstundis?
Hvørji ár snýr hetta seg um?
Hvussu vóru makrelstovnurin og nebbasildastovnurin fyri, tá ið »tað mótsatta« var tilfeldið?
Hvussu vóru kanningarnar gjørdar, ið vístu á nógva makrelin?
Hvussu stórur var fiskiskapurin av makreli í føroyskum sjógvi hesi ár?
Er henda vitan nýtt í samband við fiskivinnusamráðingarnar um makrelin?
Er henda vitan framløgd fyri Føroya fólki?
Hvar kunnu upplýsingar fáast til vega um hesi ár við nógvum makreli og nógvari nebbasild í føroyskum sjógvi
Her eru sera nógvir spurningar, ið politikara og almenningurin eiga at fáa svar uppá, nú makrel tjakið er frammi.
