Í Japan hava fiskimenn fingið ein óvanliga stóran fisk. Talan er um ein tunfisk, sum sambært fjølmiðlunum vigaði heili 445 kilo.
Tunfiskurin, sum er tann størsti, sum er fiskaður í Japan síðani 1996, varð seldur á fiskamarknaðinum í Tokyo, og prísurin var 213.000 krónur.
-Tað er sera sjáldan, at vit síggja ein tunfisk, ið vigar meiri enn 400 kilo, og nógvir av teimum, sum arbeiða á fiskavirkinum, hava ongantíð sæð ein so stóran tunfisk fyrr, sigur ein talsmaður fyri japonsku myndugleikarnar.
