Vit skulu aftur til seinasta landsstýrið, sum bara var mannað við monnum (2004-2008), at finna líka stóra útskifting, sum vit hava í landsstýrinum í dag, sum eisini bara er mannað við monnum.
Og menninir á útskiftingarbeinkinum tá ganga eisini aftur í hesum landsstýrinum. Ein er løgmaður sjálvur. Hann var fíggjarmálaráðharri í landsstýrinum, sum varð skipað í 2004. Men so fekk hann tilboðið um at gerast stjóri í stóru verkætlanini Stórutjørn hjá Jákup á Dul, sum skuldi byggja ein heilan bý í Hoyvíkshaganum fyri góðar tvær milliardir krónur. Tí fór Bárður Nielsen frá sum fíggjarmálaráðharri 9. mai í 2005 fyri at gerast stjóri í Stórtjørn og fór úr politikki. Verkætlanin hjá Jákup á Dul fór í vaskið, og eftir løgtingsvalið í 2011, var Bárður Nielsen aftur í Løgtinginum.
Hin maðurin, sum eisini gongur aftur í dag, er Jacob Vestergaard, sum var koyrdur frá sum landsstýrismaður 23. november í 2007.
Hann var fiskimálaráðharri til 20. desember í fjør, tá hann legði landsstýrissessin frá sær fyri at fáa Anniku Olsen, sum sat sum varaumboð Fólkafloksins á tingi, úr Løgtinginum.
Higartil hava hesar útskiftingar verið í sitandi landsstýri:
1. 20. desember 2021: Jacob Vestergaard fer frá og Árni Skaale verður nýggjur landsstýrismaður 6. januar 2022.
2. 20. desember 2021: Elsebeth Mercedis Gunnleygsdóttur fer frá og Sólvit Nolsø verður nýggjur landsstýrismaður 6. januar 2022.
3. 20. august í 2021: Helgi Abrahamsen fer frá, Magnus Rasmussen nýggjur landsstýrismaður
4. 17. februar 2022: Jørgen Niclasen fer frá sum landsstýrismaður
Harvið eru fýra av upprunaligu landsstýrisfólkunum farin frá. Tríggir nýggir landsstýrismenn eru tilnevndir, og í dag ella í morgin verður roknað við, at nýtt landsstýrisfólk verður tilnevnt.
Harvið hevur Bárður Nielsen skift út 57 prosent av manningini, sum hann legði til brots við 14. september í 2019, tá hendan samgongan varð skipað. Teir einastu, sum er eftir av upprunaligu manningin hjá Bárði Nielsen eru Jenis av Rana og Kaj Leo Holm Johannesen.
Útskiftingar í undanfarnum landsstýrum:
2015-19: Aksel V. Johannesen, løgmaður
1. 21. januar 2019: Rigmor Dam – Hanna Jensen
2. 1. oktober 2018: Henrik Old - Heðin Mortensen
Útskifting: 25%
2011-15: Kaj Leo Holm Johannesen, løgmaður
1. 5. september 2013: Kári P. Højgaard
2. 15. januar 2012: Jákup Mikkelsen - Jacob Vestergaard
Útskifting: 25%
2008-11: Kaj Leo Holm Johannesen, løgmaður
1. 20. februar 2011: Jóannes Eidesgaard - John Johannessen
2. 19. januar 2011: Jørgen Niclasen -
3. 14. juli 2009: Hans Pauli Strøm - Aksel V. Johannesen
6. apríl í 2011: Fólkaflokkurin úr samgonguni, Jacob Vestergaard og Annika Olsen leggja frá sær
Útskifting: 33%
2008-08: Jóannes Eidesgaard, løgmaður
1. 30. august 2008: Kristina Háfoss - Óluvá Klettskarð
12,5%
2004-08: Jóannes Eidesgaard, løgmaður
1. 23. november 2007: Jacob Vestergaard - Heðin Zachariasen
2. 9. mai 2007: Bárður Nielsen - Magni Laksafoss
3. 1. desember 2005: Jógvan við Keldu - Jacob Vestergaard
4. 23. februar 2004: Johan Dahl - Bjørn Kalsø
Útskifting: 57%
